بقلمي اكون او لا اكون

اكون او لا اكون كلمة تهز العقل والقلب والكون
اكون ايه ولمين وفين اكون للدين والوطن والمرسلين
في مصر ام الدنيا ومهد النبيين
في الارض اللي اتروت بدم الملايين
روحتوا فين يا شباب خمسة وعشرين
سبتوا بلدكم ليه للفاسدين والملاعين
قاللكوا عدل وحرية وامان
طلع المقصود كرسي ومرشد واخوان
ملعونة دي انتخابات
اللي توصل بلدي لحكم الاخوان
قالوا دين وجنة ورضا الرحمن
نسيوا ان الاسلام في قلوبنا مش بحكم الجبان
يوم ما سمعت ان المنافسة بين الفلول والاخوان
قلت ثورتنا هربت من الميدان
عصرنا لمونة ماشي بس احنا عارفين انك من الافاعي
قال ايه مصر هتتغير في 100 يوم اتاريها بترجع 100 قرن لا مليون
كهربا قطعة وميا تنقط
اصل المرشد على كدة وصى
غاز شح واقتصاد في النازل
دخل بينقص وفلوس تتاخد
ما انت عارف انها ولعة
وانك ساكت مدي الطرشة
تقول كلمة نرد بعشرة
لكن العكس ياعيني ع الريس
الحق لا عليك ولا على حكمك
الحق للي باع بلده وراح يزقك
على الكرسي متبت حالف ما تقوم بكفاية عناد وطناش ولم بقى الدور
لكن انا مش هسكت على حقي
حق بلدي واخويا وامي
حق ثورة مش نظام
حق شباب بيقول يا عمار
دا ربي كريم ورحيم
وانت يا عبد لا بترحم ولا بتسيب
بزيادة مرار وخوف من المستقبل
مش كفاية الحاضر مات وادمر
انا مسلمة واسلامي حياتي
سنة محمد عنواني
انا مسلمة بديني ونهجي
مسلمة بحبي لبلدي
مش انت يااخواني اللي تعلمني
ازاي اءدي واوفي حق ربي واسلامي
بقلمي/ نرمين محمود زيادة

مكتوبة في ظل انقطاع الكهربا يعني مستوحاة من الموقف يارب تنال اعجابكوا

بصراحة جميلة جدا جدا والله في تقدم مستمر باذن الله

شكرااااااااا جداااااااااا على رايك وان شاء الله يكون في احسن من كدة