كلمتين لحركة " تَمَرُّد "

من طرف **admin** الخميس مايو 30, 2013 3:23 pm

قبل ما ابدأ كلامي لازم تعرف إني أنا مش أخوان
أنا مواطن مصري نفسه يعيش في أمــــــــــــان
******************
كلمتين لحركة تمرد
مش عايزين مرسى بلاشة
من حقكم أية رايكم
نعيدوا الانتخابات مرة تانية
أحنا تحت أمركم
ولا أقولكم وعلى أية أنتخابات
مش عايزين نوجعوا قلبكم
أية رايكم نلعبوا كيلو بامية
أنا ما بهزرش أنا بتكلم جد
هو ده مفهوم الحرية
ولا صندوق ولا أنتخابات ولا شرعية
وياريت الناس تفهم القضية
وياريت كل واحد عامل وش
يتلم شوية
أنا عايز أفهم يعنى أقطع طريق
ويعنى أية أعمل مليونيةعند الاتحادية؟؟؟
وسقوط مرسى يعنى أعلان لحرب أهلية

أنا عايز أعرف يعنى أية سحب الثقة من مرسى ؟
هو فى حاجة أسمها سحب ثقة ؟وأية هى الثقة ؟
وياترى أحنا فى مابينا وبين بعض ثقة أصلا ؟؟؟
طيب ليه الفلوس اللى بتتصرف على سحب الثقة
واسقاط مرسى ما تتصرفش على الغلابة والمحتاجين؟؟؟؟؟
ولا أنتم أية رايكم يا مصريين

يمكن ساعتها ترجع الثقة ما بينا
وبين بعض بدل ما حياتنا
كلها كدب فى كدب و تمثيل فى تمثيل
أنا مش ضد التمرد ولا المتمردين
بالعكس أنا معاكم
وف قلبى شوق وحب وحنين
يكفى كل العاشقين والمتمردين والحالمين
أن مصر تبقى لكل المصريين
بس خايف بدل ما تكونوا بتتمردوا
على مرسى والاخوان
تكونوا بتتمرودا على مصر وأنتم مش عارفين ؟؟
و أية أخرتها والطريق ده هايودى على فين ؟؟؟؟
وياريت كل متمرد يكون عنده أجابة ومن غير فلسفة
ومن غير ما يعمل فيها أبو المنضالين
أنا عايزك تقولى الكلام ده هايفيد مين ؟؟
ولا كل الموضوع عشان الاعلام والاعلاميين
والفلوس اللى بتتصرف دى جاى منين ؟؟؟
حلو أنك تلاقى لك فى عشر أيام مليونين
بس دى حجة عليك مش لك يا سيد الحلوين
طيب ليه ما تشتغلش على الارض
طالما معاك ملايين
وتاخد مجلس الشعب
من الاخوان والاسلاميين
أية رايكم يا متمردين ؟؟
طريقة اسقاط مبارك ما تنفعش مع مرسى
فرق كبير بين الاتنين؟
ولازم تكونوا عارفين ؟
كفاية خراب فى البلد يا مصريين
وأوعوا تنسوا أن الغلابة هما اللى شايلين الطين
ياترى حد يقدر يقولى البلد رايحة على فين

من طرف **مسلمة وافتخر** الجمعة مايو 31, 2013 4:48 pm

ربنا هينصرها ان شاء الله سواء اخوان او ملاعين فعلا احنا لو حطينا ايدينا في ايد بعض وحاولنا نكسر حاجز الخوف والتمرد وغيره هنرتقي بيها بجد والمهم الكل يشارك في بناء مصر مش هدمها وربنا ينصرها ان شاء الله

كلمتين لحركة " تَمَرُّد "

كلمتين لحركة " تَمَرُّد "

رد: كلمتين لحركة " تَمَرُّد "